आज देशको केही पहाडी भू–भागमा हिमपात र वर्षाको सम्भावना रहेको छ । जल तथा मौसम विज्ञान विभागका अनुसार कोसी र गण्डकी प्रदेशको पहाडी भू–भागका एकदुई स्थानमा हल्का वर्षा र हिमपातको सम्भावना रहेको बताइएको छ ।
आज बिहान गण्डकी प्रदेश र कोसी प्रदेशको पहाडी भू–भागमा आंशिक बदली भएको छ भने बाँकी भू–भागमा सामान्यतया मौसम सफा रहेको छ । त्यस्तै तराईका थोरै भू–भागहरूमा हल्का हुस्सु लागेको पनि विभागले जनाएको छ ।
त्यसैगरी आज दिउँसो कोसी, वाग्मती र गण्डकी प्रदेशका पहाडी भू–भागमा आंशिक बदली रहने र बाँकी भू–भागमा मौसम मुख्यतया सफा रहने बताइएको छ । त्यस्तै आज राति कोसी, वाग्मती, गण्डकी र लुम्बिनी प्रदेशका पहाडी भू–भागमा आंशिक बदली रहनेछ भने बाँकी भू–भागमा मौसम मुख्यतया सफा रहनेछ ।
हाल देशभर पश्चिमी र पहाडी भू–भागमा स्थानीय वायुको सामान्य प्रभाव रहेको जल तथा मौसम विज्ञान विभागले जनाएको छ ।
