आज प्रधानमन्त्री केपी शर्मा ओली धरान जाने भएका छन् । प्रधानमन्त्री ओली सुनसरीको धरानस्थित बीपी कोइराला स्वास्थ्य विज्ञान प्रतिष्ठानको १३औं दीक्षान्त समारोहमा भाग लिन त्यता जान लागेका हुन् ।
प्रधानमन्त्री ओली बीपी कोइराला स्वास्थ्य विज्ञान प्रतिष्ठानको १३औं दीक्षान्त समारोहमा भाग लिन धरान जान लागेको उनको सचिवालयले जनाएको छ । आज बीपी कोइराला स्वास्थ्य विज्ञान प्रतिष्ठानले ८ वर्षपछि दिक्षान्त समारोह गर्न लागेकाले प्रधानमन्त्री धरान जान लागेको बताइएको छ । त्यस्तै प्रधानमन्त्री ओली धरान जाने भएपछि धरानको सुरक्षा व्यवस्था कडा पारिएको छ ।
सन् २०१६ मा १२औं दीक्षान्त समारोह गरेको प्रतिष्ठानले आज १३औं दीक्षान्त गर्न लागेको हो भने समारोहमा प्रतिष्ठानका कुलपति एवं प्रधानमन्त्री ओलीले विभिन्न संकायका ६ सय ५७ जना विद्यार्थीहरुलाई दीक्षित गर्ने प्रतिष्ठानले जनाएको छ ।
