कास्कीमा जुवा खेलिरहेको अवस्थामा खालबाटै ६ जना जुवाडे पक्राउ परेका छन् । पोखरा महानगरपालिका–१७, बिरौटा बस्ने ५२ वर्षीय भरतबहादुर ठकुरीको खाजा घरमा जुवा खेलिरहेको अवस्थामा ठकुरीसहित ६ जना समातिएका हुन् ।

वडा प्रहरी कार्यालय बैदामबाट खटिएको टोलीले उनीहरुलाई नियन्त्रणमा लिएको जनाइएको छ । उनीहरुको साथबाट प्रहरीले ७९ हजार ९ सय २० रुपैयाँ नगद र तासबुक बरामद गरेको छ । पक्राउ परेकामाथि आवश्यक अनुसन्धान तथा कारबाही प्रक्रिया अघि बढाएको प्रहरीले जनाएको छ ।