नेपालीहरुको दोश्रो ठूलो चाड दिपावली अर्थात तिहार हिँजो भाईटिका लगाएर समापन भएपनि सरकारले आज पनि तिहारको सार्वजनिक बिदा दिएको छ । अघिल्लो वर्ष माघ २९ गते प्रकाशित राजपत्रमा कात्तिक १५ देखि १९ गतेसम्म तिहार बिदा उल्लेख भए अनुसार आज पनि तिहार बिदा दिइएको हो ।
हिँजो आईतबार भाइटीका लगाई तिहार (यमपञ्चक) समापन भए पनि सोमबार सार्वजनिक बिदा दिइएको कारण सरकारी कार्यालय खुलेका छैनन् । सरकारले आज सोमबार पनि तिहारकै बिदा दिएको हो ।
यसवर्ष कातिक १५ गते लक्ष्मीपूजा, १७ गते गोवर्धनपूजा र नेपाल संवत् (म्हपूजा) तथा १८ गते भाइटीका (किजापूजा) को बिदा थियो भने १६ र १९ गतेको बिदाको विरण भने दिइएको छैन । सरकारको सार्वजनिक बिदाका कारण देशभरका कार्यालय मंगलबार मात्रै खुल्ने छ ।
त्यस्तै तिहार बिदा नसकिए लगतै छठ पर्वको तयारी सुरु भएको छ । छठको पर्वको लागि मधेश र राजधानीका पोखरी तथा नदी घाट सिँगारिन थालिएको छ भने वीरगञ्ज, जनकपुर र विराटनगरका धेरै स्थानका छठघाटलाई विशेष रुपले सिंगारिनुका साथै राजधानीका विभिन्न पोखरी र बागमती नदी किनारमा छठघाट बनाइएको छ ।
