हिँजाे राति १२ बजेदेखि लागु हुनेगरि नेपाल आयल निगमले डिजेल र मट्टितेलको मूल्य घटाएको छ । निगमले डिजेल र मट्टितेलको मूल्य घटाए पनि पेट्राेल, एलपी ग्यास र हवाइ इन्धनको मूल्य यथावत राखेकाे हाे ।
बिहीबार साँझ बसेको निगम सञ्चालक समितिको बैठकका अनुसार डिजेल र मट्टितेलको मूल्य प्रतिलिटर १ रुपैयाँले घटाएको हो । तर, पेट्रोल, एलपी ग्यास र हवाइ इन्धनको मूल्य भने हेरफेर भएको छैन ।
निगमले भाउ घटाए पछि चारआली, विराटनगर, जनकपुर, अमलेखगञ्ज, भलबारी, नेपालगञ्ज, धनगढी र वीरगञ्ज क्षेत्रमा डिजेल र मट्टितेलको भाउ प्रतिलिटर १४७.५, सुर्खेत र दाङ क्षेत्रमा प्रतिलिटर १४९ र काठमाडौं, पोखरा र दिपायल क्षेत्रमा १५० रुपैयाँ कायम गरिएकाे छ ।
