आज सुनको मूल्य अहिलेसम्मकै उच्च भएको छ । आजको नयाँ मूल्यअनुसार छापावाल सुनको मूल्य तोलामा १ लाख ७० हजार ७०० रुपैयाँ कायम भएको हो ।
अघिल्लो दिन सुनको मूल्य तोलामा १ लाख ६८ हजार ५०० रुपैयाँमा कारोबार भएकोमा आज तोलामा २ हजार २०० रुपैयाँ बढेर तोलामा १ लाख ७० हजार ७०० रुपैयाँ पुगेको नेपाल सुनचाँदी व्यवसायी महासंघले जनाएको छ ।
महासंघका अनुसार पछिल्लो समय सुनको मूल्य निरन्तर बढ्दै आएको र आज कायम भएको नयाँ मूल्य अहिलेसम्मकै उच्च हो । त्यसैगरी महासंघका अनुसार आज छापावाल सुन प्रति १० ग्राम १ लाख ४६ हजार ३५० रुपैयाँ कायम गरिएको छ ।
त्यस्तै आज चाँदीको मूल्यमा पनि वृद्धि भएको छ । अघिल्लो दिन तोलामा २ हजार १०५ रुपैयाँ कायम भएको चाँदीको मूल्य आज १५ रुपैयाँ बढेर २ हजार १२० रुपैयाँमा कारोबार भईरहेको महासंघले जनाएको छ ।
