पछिल्लो समय आकाशिदै गएको सुनको मुल्यले आज अहिले सम्मकै नयाँ रेकर्ड कायम गरेको छ । आज धनतेरसको दिन सुनको मूल्यमा १५ सय रुपैयाँले बढेर नयाँ रेकर्ड कायम गरेको हो ।
नेपाल सुनचाँदी व्यवसायी महासंघका अनुसार सुनको मूल्य तोलामा १५ सय रुपैयाँले बढेर प्रति तोला १ लाख ६८ हजार ५ सय रुपैयाँमा कारोबार भईरहेको छ यो मूल्य अहिलेसम्मकै उच्च हो । पछिल्लो समय दैनिकै रुपमा सुनको मूल्य बढिरहेको छ ।
नेपाली बजारमा साताको तेस्रो दिन आज सुनको मूल्य बढेर हाल सम्मकै उच्च रेकर्ड बनाएको हो । अघिल्लो दिन सोमबार छापावाला सुन प्रतितोला १ लाख ६७ हजार रुपैयाँमा कारोबार भएको थियो ।
त्यसैगरी चाँदीको मूल्य पनि तोलामा ४० रुपैयाँले बढेर प्रतितोला २ हजार १०५ रुपैयाँमा कारोबार भइरहेको छ । अघिल्लो दिन चाँदी २ हजार ६५ रुपैयाँमा कारोबार भएको थियो ।
