रौतहटमा स्रोत नखुलेको नेपाली ५ लाख रुपैयाँसहित एक जना भारतीय पक्राउ परेका छन् । रौतहटकाे गौर नगरपालिका– २ महादेवपट्टी अस्थायी प्रहरी चौकीको टोलीले भारतको बिहार मोतिहारी जिल्ला ढाका फुलवरीया घर भएका ४८ वर्षका त्रिभुवन चौधरीलाई पक्राउ गरेको हो ।
साँझ सीमावर्ती भारतीय बजार बैरगनिया बाट मोटरसाइकलमा गौर तर्फ जादै गरेका चौधरीलाई चेकजाँच गर्दा स्रोत नखुलेको ५ लाख रुपैयाँ बरामद भएको जिल्ला प्रहरी कार्यालय रौतहटका प्रवक्ता डीएसपी दीपककुमार रायले बताएका छन् ।
प्रवक्ता रायका अनुसार बरामद भएकाे रुपैयाँ, मोटरसाईकल सहित भारतीय नागरिक चौधरीलाई नियन्त्रणमा लिएर अनुसन्धान भइरहेको बताइएकाे छ ।
