कञ्चनपुरको लालझाडी गाउँपालिका-१ विनाबारीमा श्रीमान-श्रीमती बिछ्यौनामै मृत फेला परेका छन् । लालझाडी विनाबारीका ४५ वर्षीय रमेश बडायक र उनकी श्रीमती ४३ वर्षीय कमल बिछ्यौनामा मृत फेला परेका हुन् ।
आज बिहान दुवै जनालाई मृत अवस्थामा फेला पारिएको जिल्ला प्रहरी कार्यालयका प्रहरी नायब उपरीक्षक उमेशप्रसाद जोशीले जानकारी दिएका छन् । उनीहरुको अनुहार र शरीरमा हतियार प्रहार गरिएको चोटपटक देखिएको बताईएको छ ।
उक्त घटनाबारे स्थानीयले प्रहरीलाई खबर गरेपछी प्रहरी त्यहा पुगेर अनुसन्धान थालेको छ । प्रारम्भिक अनुसन्धानको क्रममा उनीहरुको धारिलो हतियार प्रहारगरी हत्या गरिएको खुलेको छ ।
त्यस्तै मृतको शरीरमा धारिलो हतियार प्रयोग भएको डाम देखिएको र घटनास्थलमा रगत पनि देखिएकाले अनुसन्धान थालिएको प्रहरीले बताएको छ ।
