राष्ट्रिय परिचयपत्र तथा पञ्जीकरण विभागले सिंहदरवारबाट प्रदान गर्दै आएको सेवा कात्तिक ११ गतेदेखि नारायणहिटी दरबार संग्रहालय परिसरबाट प्रदान गर्ने भएको छ । कात्तिक ११ गतेदेखि नारायणहिटी दरबार संग्रहालय परिसरबाट परिचयपत्रको विवरण संकलन र अन्य जानकारी सम्बन्धी सेवाहरू प्रदान गर्ने भएको हो ।
यसअघि सिंहदरवारको पञ्जीकरण विभागले प्रदान गर्दै आएको सेवाहरू कात्तिक ११ गतेदेखि नारायणहिटी दरबार संग्रहालय परिसर (केशरमहल अगाडि) मा रहेको इकाईबाट प्रदान गरिने बताईएको छ ।
सर्वसाधारणलाई सहज र सुविधाजनक सेवा उपलब्ध गराउने मुख्य उद्देश्यले उक्त स्थानबाट सेवा प्रदान गर्न लागिएको विभागको भनाई रहेको छ । विभागका अनुसार नयाँ स्थानमा सेवा केन्द्रित गरिँदा सेवाग्राहीलाई थप सजिलो हुनुका साथै विभागको भीड व्यवस्थापनमा समेत सहयोग पुग्ने छ ।
सेवाको गुणस्तर सुधार गर्दै आम नागरिकलाई परिचयपत्र सम्बन्धी सेवा लिन सहजता प्रदान गर्ने उदेश्यका साथ कात्तिक ११ गतेदेखि नारायणहिटी दरबार संग्रहालय परिसरबाट सेवा दिने विभागका महानिर्देशक युवराज कटेलले जनाएका छन् ।
