टेस्ला, स्पेस एक्सका मालिक खर्बपति एलन मस्कले संविधानलाई समर्थन गर्ने पिएसी याचिकामा हस्ताक्षर गर्न मतदाताहरूलाई प्रतिदिन १० लाख डलर दिने घोषणा गरेका छन् । ट्रम्पलाई जिताउनका लागि उनले ठूलो धनराशी मद्दत गर्ने भनेका छन् । पैसाको लोभ देखाएर ट्रम्प एजेण्डामा मतदान गर्न नाम दर्ता गराउने यो प्रकृयाबारे निर्वाचनविज्ञहरूवीच ठूलो बहस चल्न थालेको छ । कतिपय न्यायाधीशले समेत चिन्ता प्रकट गरेका छन् । चुनावमा पैसाको खोलो बग्ने, लोभ देखाइने यो तरिकाले मतदाताहरू ब्यापक लाभमा पर्नेछन् भने प्रतिपक्ष ह्यारिसका समर्थकहरू कालोधन सेतो बनाउने खेल भन्न थालेका छन् ।