असोज १० गतेदेखि १२ गतेसम्म परेको अविरल वर्षाका कारण आएको बाढीपहिरामा परी २ सय ३३ जनाले ज्यान गुमाएका छन् । गृह मन्त्रालयको पछिल्लो अपडेटअनुसार उक्त बाढीपहिरोमा परि २२ जना अझै बेपत्ता छन् भने १ सय ६९ जना घाइते भएका छन् ।
बाढीपहिरो प्रभावित क्षेत्रबाट हालसम्म १७ हजार १ सय २० जनाको उद्धार गरिएको बताईएको छ । सरकारले उद्धार र सहायता परिचालनलाई उच्च प्राथमिकता दिएर अवरुद्ध राजमार्ग मर्मतसम्हार गरी यातायात सञ्चालनका लागि प्रयास गरिरहेको गृह मन्त्रालयका प्रवक्ता ऋषिराम तिवारीले जानकारी दिएका छन् ।
दशैको मुखमा आएको बाढी पहिरोका कारण जनधनको ठूलो क्षेती हुनुका साथै राजमार्गहरु बिग्रिएकाले आम नागरिक निरास बनेका छन् ।
