नेपाल आयल निगमले पेट्रोलियम पदार्थको मूल्य घटाएको छ । भारतीय आयल कर्पोरेसन (आइओसी)ले पठाएको मूल्यसूची अनुसार निगमले पेट्रोलियम पदार्थको मूल्य घटाएको हो ।
बिहिबार राति १२ बजेपछिदेखि लागू हुने गरी नेपाल आयल निगमले पेट्रोल र डिजेल, मट्टीतेलको भाउ घटाएको हो । निगमले पेट्रोलमा प्रतिलिटर ५ रूपैयाँ र डिजेल तथा मट्टीतेलमा ३ रूपैयाँ घटाएको छ ।
निगमले घटाएको नयाँ मूल्य देशभरका वर्ग विभाजन गरेको ठाउँअनुसार लागू हुनेछ । नयाँ मूल्यअनुसार राजधानी काठमाडौं र वरपरका जिल्लामा पेट्रोलको मूल्य प्रतिलिटर १६५ कायम भएको छ ।
