काठमाडौँ त्रिभुवन अन्तर्राष्ट्रिय विमानस्थलमा अवतरण गर्ने क्रममा टर्किस एयरलाइन्सको विमानले ‘ओभरसुट’ गरेको छ । बिहान ६ः१० बजे अवतरण गर्ने क्रममा स्तनबुलबाट आएको टर्किस एयरलाइन्सको विमानले ‘ओभरसुट’ गरेको हो ।
टर्किस एयरलाइन्सको विमान विमानस्थलमा अवतरण हुनै लाग्दा ‘ओभरसुट’ गरेको थियो । फ्लाइट राडरका अनुसार बिहान ६ः१० मा अवतरण गर्ने तालिका रहेको विमान ओभरसुट भएको २० मिनेटपछि अवतरण गरेको थियो ।
त्रिभुवन अन्तर्राष्ट्रिय विमानस्थलका अनुसार ‘मिस एप्रोच’ भएर उक्त विमानले ओभरसुट गरेको जनाएको छ । एक एयर ट्राफिक कन्ट्रोलर (एटिसी)का अनुसार ‘अनस्टेबल एप्रोच’ भएपछि विमानले ओभरसुट गरेको बताईएको छ ।