काठमाडौं उपत्यका अपराध अनुसन्धान कार्यालय टेकुमा सरेको छ । टेकुस्थित नेपाल आयल निगमको भवनमा सरेको कार्यालयले जनाएको छ ।
कार्यालयले पूर्जाआजा गरेर आजदेखि टेकुबाट सेवा सुचारु गरेको हो । सो भवनमा यसअघि जिल्ला प्रहरी परिसर, काठमाडौं बसेको थियो ।
आइतबार परिसर भद्रकालीस्थित आफ्नै नयाँ भवनमा सरेको हो । उपत्यका अपराध अनुसन्धान कार्यालय यसअघि नयाँ बानेश्वरस्थित मिनभवनमा रहेको थियो ।
कार्यालयको पनि टेकु परिसरमा अत्याधुनिक भवन निर्माण भइरहेको छ । २०७२ सालको विनाशकारी भूकम्पपछि अपराध अनुसन्धान कार्यालय हनुमान ढोकाबाट टेकु हुँदै मिनभवनमा सरेको थियो ।