भारतको राजधानी नयाँ दिल्लीस्थित इन्दिरा गान्धी अन्तर्राष्ट्रिय विमानस्थलको टर्मिनल भवनको छत खस्दा एकजनाकाे मृत्यु भएकाे छ । भारी वर्षापछि शुक्रबार बिहान उक्त विमानस्थलकाे छत खसेकाे थियाे ।
विमानस्थलको टर्मिनल भवनको छत खस्दा अरू ८ जना घाइते भएका छन् । भारी वर्षापछि विमानस्थलको टर्मिनल–१ को छत खसेकाे हो भने छतले केही ट्याक्सी र गाडी पनि थिचिएका छन् ।
अहिले भारतीय नागरिक उड्डयनमन्त्री राममोहन नायडू घटनास्थल पुगेकाे र घाइतेको उद्धार भइरहेकाे छ । दिल्ली इन्टरनेसनल एयरपोर्ट लिमिटेडका प्रवक्ताले भारी वर्षाका कारण भवनको बाहिरी हिस्सा भत्किएको जनाउँदै भारी वर्षाका कारण उडान समेत रद्ध गरिएको बताइएकाे छ ।
