हालसालै मात्र नेपाल आइडल सिजन ५ का विजेता बनेका करण परियारले प्रधानमन्त्री पुष्पकमल दाहालबाट गितार पुरस्कार पाएका छन् । बुधवार बिहान प्रधानमन्त्रीलाई भेट्न प्रधानमन्त्री निवास बालुवाटार पुगेका परियारले गितार पुरस्कार पाएका हुन् ।
करण परियार प्रधानमन्त्रीकै निम्तामा बालुवाटार पुगेकाे र उनलाई त्यहाँ बधाई तथा शुभकामना दिएकाे थियाे । बधाई तथा शुभकामना दिँदै साेही अवसरमा प्रधानमन्त्री प्रचण्डले विजेता परियारलाई गितार उपहार दिएको प्रधानमन्त्रीको सचिवालयले जनाएको छ ।
परियारसँगकाे भेटमा प्रधानमन्त्रीले खेल र सङ्गीतका खास खास इभेन्ट आफूले हेर्ने गरेको बताउँदै युवा पुस्ताका हरेक सुख दुखमा आफू साथमै रहेको बताएका थिए ।
परियार सामान्य परिवारबाट गायन क्षेत्रमा प्रवेश गरेका हुन भने उनकाे स्वरको चाैतर्फी तारिफ हुँदै आएको छ ।
