पर्साको वीरगञ्ज महानगरपालिकाले सडकपेटीमा फोहोर फाल्ने एक विद्यालयलाई कारबाही गरेको छ । वडा नम्बर १२, मा रहेको काडम्बरी एकेडेमी स्कुललाई सडकपेटीमा फोहोर फालेको भन्दै महानगरले जरिवाना तिराएको हो ।
स्कुललाई कारबाहीस्वरुप पाँच हजार रुपैयाँ जरिवाना तिराइएको महानगरले जनाएको छ । महानगरले अन्य दुई जनालाई पनि कारबाही गरेको बताएको छ । घरबाट निस्किएको फोहोर सडकमा फालेका स्थानीय सुनिलप्रसाद रौनियार र आश्मा खातुनालाई एक÷एक हजार रुपैयाँ जरिवाना तिराइएको हो ।
उनीहरुलाई यस्तो कार्य नदोहोर्याउन पनि सचेत गराइएको छ । महानगरले पछिल्लो समय सडकपेटीमा फोहोर फाल्नेमाथि तीव्र रुपमा कारबाही गर्दै आएको छ ।