सिंहदरवारको केन्द्रीय क्यान्टिनमा काम गरिरहेका २ जना बाल श्रमिकहरूको उद्धार गरेको छ । काठमाडौँ महानगरपालिकाले विश्व बालश्रमविरुद्धको दिवसको दिन पारेर क्यान्टिनमा रहेका दुई बाल श्रमिकको उद्धार गरेको हो ।
उनीहरूलाई महानगरको बाल उद्धार टोलीले सिंहदरवारभित्र केन्द्रीय सर्भिस सेन्टरको भवनभित्र रहेको केन्द्रीय चमेना गृहबाट उद्धार गरेको थियो ।
यसअघि काठमाडौँ महानगरको बाल उद्धार टोलीले १९ जना बालिका र १८ जना बालक गरी ३७ जना बालबालिकालाई जोखिमबाट उद्धार गरेर विभिन्न ६ वटा संरक्षण गृहहरूमा राखेको थियो ।