नेपाली सेनाले मनसुनजन्य विपद् व्यवस्थापनका लागि विपद् प्रतिकार्य तालिम दिएको छ । सेनाले ३ हजार ३ सय ४१ जनालाई उक्त तालिम दिएको हो ।
मुलुकभर मनसुन भित्रिन सुरु गर्दै गरेको अवस्थामा सेनाले यो वर्ष ३ हजार ३ सय ४१ जनालाई विपद् प्रतिकार्य तालिम दिएको बताईएको छ । सर्वसाधारणलाई समुदायमा विपद् प्रतिकार्यमा जोड्ने नीति अनुसार सेनाले २०७६ सालदेखि तालिम दिन सुरु गरेको र हालसम्म २७ हजार ९ सय ६६ जनालाई तालिम दिइसकिएको छ ।
अहिले नेपालको पूर्वी भागको कोशी प्रदेशबाट मनसुन भित्रिन सुरु गरेको छ । यो वर्षको मनसुनसंगै आईपर्ने विपद प्रतिकार्यका लागि सैनिक टोलीलाई तैनाथ राखिएको नेपाली सेनाले जनाएको छ ।