सुनको मूल्य अहिलेसम्मकै उच्च कायम भएको छ । आज सुनको मूल्य तोलामा १ हजार ८०० रुपैयाँले बढेर १ लाख ४४ हजार हुँदै नयाँ रेकर्ड कायम गरेको हो ।
जेठ २२ गते १ लाख ४२ हजार ७०० रुपैयाँमा कारोबार भएको सुनको भाउले आज पुनः अर्को रेकर्ड कायम गरेको हो । आज बजारमा छापावाला सुनको भाउ १ लाख ४४ हजार रुपैयाँमा कारोबार भइरहेको नेपाल सुन चाँदी व्यवसायी महासंघले जनाएको छ ।
त्यसैगरी नेपाल सुन चाँदी व्यवसायी महासंघका अनुसार तेजाबी सुनको मूल्य १ लाख ४३ हजार ३०० रुपैयाँमा कारोबार भइरहेको छ भने प्रतितोला २५ रुपैयाँ बढेर चाँदीको मूल्य १ हजार ८ सय ५० रुपैयाँमा कारोबार भइरहेको छ ।
नेपालमा सुनचाँदीको मूल्य निर्धारण अन्तर्राष्ट्रिय बजारमा हुने कारोबारका आधारमा गर्ने गरिएको र अन्तर्राष्ट्रिय बजारमा आज सुन प्रतिऔंस सुन २ हजार ३ सय ६८ दशमलव ७४ डलरमा कारोबार भइरहेको छ । त्यस्तै प्रतिऔंस चाँदी ३० डलर ४३ पैसामा कारोबार भइरहेको नेपाल सुन चाँदी व्यवसायी महासंघले जनाएको छ ।