उपप्रधानमन्त्री तथा गृहमन्त्री रवि लामिछानेलाई पदबाट निलम्बन गर्न माग गरिएको रिट निवेदनको सुनुवाइ आज नहुने भएको छ । महान्यायाधिवक्ता दिनमणि पोखरेललाई समेत विपक्षी बनाइएको रिटको आज सुनुवाइ नहुने भएको हो ।
आज उक्त रिटको सुनुवाई गर्न सर्वोच्च अदालतका न्यायाधीश सुनीलकुमार पोखरेलको इजलासमा पेसी तोकिएको थियो । निवेदक अनुपम भट्टराईले सुनुवाइ स्थगन गर्न निवेदन दिएकाले आज सुनुवाइ नहुने भएको बताईएको छ ।
महान्यायाधिवक्ता पोखरेलले गृहमन्त्री लामिछानेलाई सहकारी ठगी प्रकरणमा ‘क्लिन चिट’ दिएपछि अधिवक्ता अनुपम भट्टराईले रिट दर्ता गराएका थिए । अनुसन्धान गर्ने निकाय गृह मन्त्रालयकै नेतृत्वमा लामिछाने भएकाले उनलाई पदबाट निलम्बन गरी सहकारी ठगीको छानबिन हुनुपर्ने माग रिटमा गरिएको छ ।
यता हिँजो सहकारी प्रकरण छानबिनका लागि संसदीय छानबिन समिति गठन गरिएको छ ।