हिजो चैत पूर्णिमाको अघिल्लो दिन बौद्धमा तेमाल जात्रा मनाएका तामाङ समुदायले आज परम्परागत रूपमा चैत पूर्णिमाको दिन स्वयम्भूको महाचैत्यमा पूजा आज गरेका छन् । आज बालाजु बाइसधाराको जल स्वयम्भूमा चढाउँदा पूण्य प्राप्त प्राप्त हुने विश्वासका साथ् बाइसधाराको जल स्वयम्भूमा चढाएर पूजा आज गरेका हुन् ।
प्रत्येक वर्ष वैशाख शुक्ल पूर्णिमाका दिन झैँ आज पनि बिहानैदेखि बालाजुस्थित बाइसधारामा मेला शुरु भएसंगै भक्तजनको भिड लागेको छ । आजदेखि बालाजु बाइसधारामा पाँच दिने ल्हुति पुन्हि मेला लाग्ने र बाइसधारामा स्नान गरे मुक्तिनाथ तथा गोसाइँकुण्डमा स्नान गरे बराबरको पुण्य प्राप्त हुने जनविश्वास रहेको कारण पनि भक्तजनको घुईंचो लागेको हो ।
तामाङ समुदायले दिवंगत आत्माको शान्तिको कामना गर्दै चैत्र शुक्ल चतुर्दशीका दिन लामा गुरुद्वारा विशेष पूजापाठ गर्दै बौद्ध चैत्यमा बत्ती बाल्ने परम्परा रहेको छ । प्राचीनकालमा काभ्रेपलाञ्चोकस्थित तेमाल क्षेत्रका तामाङ समुदायले मनाउने गरेकाले यो जात्रालाई तेमाल जात्रा नामकरण गरिए पनि हाल देशभरका बौद्ध धर्मालम्बीले यो पर्व मनाउँदै आएको पाईन्छ ।
हिजो बौद्धमा मनाईएको तेमाल जात्राका क्रममा पितृमोक्षका लागि आज बालाजु बाइसधारामा स्नान गरी स्वयम्भूको महाचैत्यमा पुगी पूजा गर्ने चलन रहेको छ ।