मकवानपुरको जंगलमा मानव कंकाल फेला परेको छ । मकवानपुरगढी गाउँपालिका-८, आलखोला जंगलमा मानव कंकाल फेला परेको हो ।
प्रहरीको अनुसार शनिबार बिहान आलखोला जंगलमा घाँस काटन गएका स्थानीयहरुले मृत मानिसको कंकाल फेला पारेको बताईएको छ । कंकाल फेला परेपछि स्थानीयहरुले जनप्रतिनिधी र प्रहरीलाई खबर गरेका थिए ।
प्रहरीको टोली पुगेर अनुसन्धान थाले पनि कंकालको सनाखत हुन सकेको छैन । घटनास्थलमा रहेको कपडा तथा कपाल हेर्दा पुरुष व्यक्तिको कंकाल जस्तो देखिएको प्रहरीको भनाई छ ।
घटना बारे थप अनुसन्धान भइरहेको प्रहरीले जनाएको छ ।