मुलकभरका विभिन्न स्थानमा लागेको डढेलोका कारण हावामा धुवाँ, धुलो कायमै रहदा तुवाँलो लागेको जल तथा मौसम विज्ञान विभागको मौसम पूर्वानुमान महाशाखाले जनाएको छ । जसको कारण नेपालको वायु स्वच्छ नभएको हो ।
बिहीबार गण्डकी, बागमती र कोशी प्रदेशमा हावाहुरीसहित वर्षा भएसँगै प्रदूषणमा केही कम भएको थियो । तर, एक सातादेखि हरेक दिन मानव स्वास्थ्यलाई हानि गर्ने स्तरमा प्रदूषणको तह पुग्दै आएकोमा वर्षा भएपनि त्यो कायमै रहेको बताईएको छ ।
केहि दिन यात नेपालमा प्रदूषणको स्तर ह्वात्तै बढेर अत्यन्तै अस्वस्थकर अवस्थामा पुगेको थियो । विश्वभरको वायु प्रदूषणको स्तर मापन गर्ने स्वीजरल्याण्डको आईक्यू एयरका अनुसार नेपालको वायू गुणस्तर सूचक (एक्यूआई) २०० माथि पुगेको थियो ।
शुक्रबार बिहान ९:३० बजेको रेकर्ड अनुसार काठमाडौं विश्वकै दोस्रो सबैभन्दा बढी वायु प्रदूषण भएको सहरमा परेको छ । वायु प्रदूषणको अवस्था रियल टाइममा मापन गर्ने आईक्यू एयरकाअनुसार काठमाडौं विश्वको दोस्रो बढी वायु प्रदूषण भएको शहरमा गनिएको छ । आज काठमाडौंको एयर क्वालिटी इन्डेक्स १७९ रहेको छ ।