आज दिउँसो १:१५ बजे राष्ट्रिय सभाको बैठक बस्ने भएको छ । आजको बैठकमा विकास,आर्थिक मामिला तथा सुशासन समितिकी सभापति कमला पन्तले निःशुल्क स्वास्थ्य उपचारको सुनिश्चिततासम्बन्धी संकल्प प्रस्ताव प्रस्तुत गर्ने कार्यसूची रहेको बताईएको छ ।
त्यस्तै बैठकमा संसद सचिवालयका अनुसार कृषि तथा पशुपक्षी विकास मन्त्री ज्वालाकुमारी साहले ‘खाद्य स्वच्छता तथा गुणस्तर विधेयक, २०७७ माथि प्रतिनिधिसभाबाट भएको संशोधनमाथि छलफल गरियोस्’ भन्ने प्रस्ताव पेश गर्ने जनाएको छ । बैठकमा खाद्य स्वच्छता तथा गुणस्तर विधेयकबारे पनि छलफल हुनेछ ।
त्यसपछि विधेयकमा ‘प्रतिनिधिसभाबाट भएको संशोधनलाई सहमति गरियोस्’ भन्ने प्रस्ताव मन्त्री साहले प्रस्तुत गर्ने कार्यसूची रहेको बताईएको छ ।
