डोल्पा जिल्लाको ठुलिभेरी नगरपालिका-४ स्थित मष्टा सामुदायिक वनमा लागेकाे आगो निभाउने क्रममा घाइते भएका तीन जना नेपाली सेनाको मृत्यु भएको छ । आगोले जलेर घाइते भएका उनीहरूको उपचारको क्रममा मृत्यु भएको हो ।
उपचारको क्रममा मृत्यु हुनेमा काभ्रेका ३८ वर्षीय केशवबहादुर मगर र हुम्लाका २३ वर्षीय आशिष बुढा रहेका छन् । यसअघि सोमबार उपचारकै क्रममा जुम्लाका २८ वर्षीय हेमन्त रावलको मृत्यु भएको थियो । रावलको जिल्ला अस्पताल डोल्पामा मृत्यु भएको थियो भने मगर र बुढाको काठमाडौँको कीर्तिपुरस्थित जलन अस्पतालमा मृत्यु भएको बताइएकाे छ ।
उक्त आगलागि घटनामा घाइते भएका ३० वर्षीय प्युठ विजय कोइरालाको कीर्तिपुरमा उपचार भइरहेको नेपाली सेनाले जानकारी दिएको छ ।
