Advertisement Banner
Advertisement Banner

०७ बुधबार, कार्तिक २०८१23rd July 2024, 10:09:55 am

पूर्वी नाकाबाट पेट्रोलियम पदार्थको आयात घट्यो

१८ आइतबार , चैत्र २०८०७ महिना अगाडि

पूर्वी नाकाबाट पेट्रोलियम पदार्थको आयात घट्यो

नेपालको पूर्वी नाका काँकरभिट्टाबाट पेट्रोलियम पदार्थको आयात घटेको छ । गत आर्थिक वर्षको तुलनामा चालु आर्थिक वर्ष २०८०/०८१ को आठ महिनामा १ अर्ब २८ करोड ८४ लाख १० हजारको पेट्रोलियम पदार्थको आयात घटेको हो ।

मेची भन्सार कार्यालयका अनुसार अघिल्लो वर्षको सोही अवधिको तुलनामा यसवर्ष उक्त रुपया बराबरको आयात घटेको हो । काँकरभिट्टाबाट आयात हुने पेट्रोल, डिजेल, मट्टितेल र एलपी ग्यास झापा, इलाम, पाँचथर र ताप्लेजुङ जिल्लामा स्थानीय पेट्रोल पम्पमार्फत बिक्री वितरण हुँदै आएको छ ।

चालु आर्थिक वर्षको आठ महिनामा १३ अर्ब ३३ करोड १६ लाख ३३ हजारको पेट्रोल, डिजेल, मट्टितेल र एलपी ग्यास आयात भएको छ । अघिल्लो वर्षको सोही अवधिमा १४ अर्ब ६२ करोड ४३ हजार मूल्य बराबरको पेट्रोल, डिजेल, मट्टितेल र एलपी ग्यास भारतबाट आयात भएको थियो ।

पूर्वी नाका हुँदै आयात हुने पेट्रोलियम पदार्थमध्ये डिजेलको आयातमा भारी गिरावट आएको बताईएको छ । चालु आर्थी वर्षको आठ महिनामा ४ अर्ब ८७ करोड ६९ लाख ९६ हजारको ४५ हजार १४० लिटर डिजेल आयात भएको छ । यसअघि सोहि अवधिमा ५ अर्ब ७३ करोड १८ लाख १७ हजारको डिजेल आयात भएको थियो ।

गएको आवको फागुन मसान्तसम्मको आठ महिनाको तुलनामा चालु आवको सोही अवधिमा रु ८५ करोड ४८ लाख २१ हजार मूल्य बराबरको डिजेलको आयात घटेको बताईएको छ । पेट्रोल, हवाई इन्धन, मट्टितेल र एलपी ग्यासको आयातमा पनि गिरावट आएको मेची भन्सार कार्यालयका प्रमुख भन्सार अधिकृत रामप्रसाद रेग्मीले जानकारी दिएका छन् ।