पूर्व सभामुख तथा माओवादी केन्द्रका उपाध्यक्ष कृष्णबहादुर महरालाई अस्पताल भर्ना गरिएको छ । हिजो बिहान कपिलवस्तुबाट पक्राउ परेर काठमाडौँ ल्याईएका उनलाई काठमाडौँ जिल्ला अदालतले स्वास्थ्य उपचारको प्रबन्ध मिलाउन निर्देशन दिएपछि अस्पताल भर्ना गरिएको हो ।
काठमाडौँ जिल्ला अदालतको निर्देशन दिएपछि उनलाई सोमबार साँझ नर्भिक अस्पताल थापाथलीमा भर्ना गरिएको छ । उनले इजलासमा ८ प्रकारका औषधि खाँदै आएको र स्वास्थ्य अवस्था ठीक नभएको बताउदै अस्पताल बस्न पाउनु पर्ने माग गरेको बताईएको छ ।
महरालाई विभिन्न रोग लागेका कारण स्वास्थ्य अवस्था ठिक नभएकाले यसअघि उपचार गराउँदै आएको नर्भिक अस्पतालमै लगिएको हो । उनलाई चार दिन हिरासतमा राख्न अदालतले अनुमति दिएको थियो ।