पूर्व सभामुख तथा नेकपा माओवादी केन्द्रका उपाध्यक्ष कृष्णबहादुर महरा पक्राउ परेका छन् । रोल्पा जाँदै गरेको अवस्थामा महरालाई प्रहरीले रुपन्देहीबाट पक्राउ गरेको हो ।
सुन तस्करी प्रकरणमा मुछिएका महरालाई प्रहरीको निगरानी गर्दै आएको र आज रोल्पा जान हिँडेका उनलाई भैरहवाबाट पक्राउ गरिएको बताईएको छ । पक्राउ पछी उनलाई रुपन्देहीबाट काठमाडौँ ल्याउन लागिएको प्रहरीले जानकारी दिएको छ ।
हिजो मात्रै उपप्रधान एवं गृहमन्त्री रवि लामिछानेले नेकपा माओवादी केन्द्रका नेतासमेत रहेका महरासहित निजामती तथा प्रहरी कर्मचारीलाई तत्काल कारबाही गर्न निर्देशन दिएका थिए । सुन तस्करी प्रकरणमा आयोगले मुद्दा चलाउन सिफारिस गरेपछी गृहमन्त्रीको निर्देशनपछि प्रहरीले महरालाई समातेको बताईएको छ ।
सुनको अवैध पैठारी (तस्करी) नियन्त्रण सम्बन्धी जाँचबुझ आयोगको निष्कर्ष अनुसार भेप प्रकरणमामा महरालाई प्रतिवादी बनाएर मुद्दा दर्ता गर्नुपर्ने बताईएको छ । महराका छोरा राहुल सो मुद्दामा पुर्पक्षका लागि थुनामा छन् ।