नेपाली कांग्रेससंगको गठबन्धन टुटेपछी बनेको नयाँ सत्तारुढ गठबन्धनको कार्यदलले सरकार सञ्चालनका लागि तयार पारेको न्यूनतम साझा कार्यक्रम आज सार्वजनिक गरिने भएको छ । नयाँ सरकारमा सहभागी पाँच राजनीतिक दल मिलेर बनेको कार्यदलले तयार पारेको न्यूनतम साझा कार्यक्रम सार्वजनिक गरिने भएको हो ।

पाँच राजनीतिक दलले बनाएको कार्यदलले तयार पारेको मस्यौदा प्रधानमन्त्री पुष्पकमल दाहाल ‘प्रचण्ड’ लाई बुझाइसकेको छ । गएको शनिबार कार्यदलको १० सदस्यीय टोलिले प्रधानमन्त्रीको सरकारी निवास बालुवाटार पुगेर सरकारको न्यूनतम साझा कार्यक्रमको मस्यौदा बुझाएको हो ।

कार्यदलले बुझाएको उक्त मस्यौदामा शीर्ष नेताहरूले छलफल गर्ने र त्यसपछि सार्वजनिक गर्ने तयारी गरेको बताएको छ । मस्यौदामा साझा कार्यक्रममा संविधानको रक्षा, आम जनताको निराशालाई चिरेर सरकारप्रति आशा र विश्वास जगाउने,आर्थिक विकास र समृद्धि, अर्थतन्त्रका चुनौती समाधानलगायतका विषयलाई समावेश गरि प्राथमिकता दिइएको छ ।