नेपालमा सामाजिक सञ्जाल 'भाइबर' सुचिकृत भएको छ । भाइबर सुचिकृत भएसंगै नेपालमा सुचिकृत हुने पहिलो सामाजिक सञ्जाल बनेको छ ।
नेपाल सरकार सञ्चार तथा सूचना प्रविधि मन्त्रालयले सुचिकृत गर्दै भाइबरलाई दर्ता प्रमाणपत्र प्रदान गरेको हो । सचिवस्तरको निर्णयबाट सूचीकरण गरी भाइबरलाई प्रमाणपत्र प्रदान गरिएको बताईएको छ ।
सामाजिक सञ्जाललाई व्यवस्थित गर्ने निर्देशिका, २०८० को दफा ८ बमोजिमको जिम्मेवारी पुरा गर्ने गरी सोही निर्देशिकाको दफा ३ को उपदफा ६ बमोजिम सामाजिक सञ्जाल प्ल्याटफर्म सञ्चालन गर्न मन्त्रालयले स्वीकृत प्रदान गरेको हो ।
गत फागुन ११ गते लक्जबवर्गस्थित भाइबर मिडियाको कार्यालयलाई पत्राचार गर्दै मन्त्रालयले भाइबर नेपालमा औपचारिक रुपमा सूचीकृत भएको जानकारी गराएको थियो ।
त्यसैगरी अन्य सामाजिक सञ्जालहरु लिंकदिन् र स्न्याप च्याट पनि नेपालमा दर्ताको प्रक्रियामा रहेको मन्त्रालयले जानकारी दिएको छ ।