फागुन १४ गते संघीय संसद् भवन परिसरमा प्रवेश गरी प्रदर्शन गर्दा प्रहरीले पक्राउ गरेका मिटरब्याज तथा लघुवित्तका पीडितहरु हाजिरि जमानीमा रिहा भएका छन् । उनीहरुलाई बुधबार बेलुकी रिहा गरिएको हो ।  

काठमाडौँ केन्द्रित आन्दोलन मुलकका बिभिन्न जिल्लाबाट काठमाडौँ आएर आन्दोलन थालेका उनीहरुले संघीय संसद् भवन परिसरमा प्रवेश गरेर नारा जुलुस गरेका थिए । आन्दोलनरत मिटरब्याज तथा लघुवित्तका पीडितहरुलाई सोहि प्रदर्शनमा पक्राउ गरिएकोमा उनीहरुलाई प्रहरीले बुधबार बेलुका हाजिरि जमानीमा रिहा गरेको बताईएको छ ।

बिहीबार जिल्ला प्रशासन कार्यालयले उनीहरूलाई हाजिर जमानीमा रिहा गरेको जिल्ला प्रहरी परिसर काठमाडौंका प्रवक्ता नवराज अधिकारीले बताएका छन् । संसदभवनभित्र पसेर नाराबाजी गरेका ४९ जनालाई प्रहरीले पक्राउ गरि सार्वजनिक शान्तिविरुद्धको कसुरमा अनुसन्धान अगाडी बढाएको थियो ।

यसअघि प्रमुख प्रतिपक्ष दल नेकपा (एमाले)ले संघीय संसद भवनबाट प्रहरीको नियन्त्रणमा रहेका लघुवित्त पीडितहरूलाई मुद्दा नचलाउन गृहमन्त्री नारायणकाजी श्रेष्ठलाई ध्यानाकर्षण गराएको थियो । एमालेका उपमहासचिव पृथ्वीसुब्बा गुरुङ, एमाले संसदीय दलका सचेतक महेश बर्तौलालगायत एमाले संसदीय दलको टोलीले गृहमन्त्रीलाई ध्यानाकर्षण गराएको हो ।