वाफ वुमेन्स च्याम्पियनसिप उपाधीका लागि आज नेपालले जोर्डनसँग प्रतिस्पर्धा गर्दैछ । साउदी अरबमा जारी वाफ वुमेन्स च्याम्पियनसिप उपाधिको लागि प्रिन्स अबदुल्लाह अल फैजल स्टेडियममा आज राति ९ः४५ बजे हुने खेलमा नेपालले जोर्डनसँग प्रतिस्पर्धा गर्न लागेको हो ।
पहिलोपटक वाफ वुमेन्स च्याम्पियनसिप खेलिरहेको नेपालले ५ पटकको विजेता एवं साविक विजेता समेत रहेको जोर्डनसँग प्रतिस्पर्धा गर्न लागेको हो । नेपालले वाफ वुमेन्स च्याम्पियनसिप प्रतियोगितामा उत्कृष्ट प्रदर्शन गर्दै आएको र यसअघि समूह ‘बी’ को विजेता बन्दै सेमिफाइनल पुगेको नेपालले समूह ‘ए’ को उपविजेता लेबनानलाई इन्जुरी समयमा २–१ ले पराजित गर्दै फाइनल पुगेको थियो ।
त्यस्तै यसअघि जोर्डनले प्यालेस्टाइनलाई ५–० ले पराजित गर्दै फाइनल पुगेको थियो । आजको फाईनल खेलमा प्रतियोगितामा ९ गोल गरेकी नेपालकी फरवार्ड सावित्रा भण्डारी सहभागी नहुने भएपछी नेपाली टोली दबाबमा देखिन भएपनि जोर्डनसँग नेपालको खेल निकै रोमाञ्चक हुने अनुमान गरिएको छ ।
