दराजबाट (डीमल खण्ड) अनलाइनमार्फत सामान खरिद गर्दा ग्लोबल आइएमई बैंक लिमिटेडका कार्ड बाहक ग्राहकहरुलाई १५ प्रतिशतसम्म छुट हुने भएको छ । फेब्रुअरी ५ देखि ३ महिनाका लागि ग्लोबल बैंकको कार्ड बाहक ग्राहकलाई छुट हुने भएको हो
बैंकले यहि फेब्रुअरी ५ देखि अप्रिल ३० सम्म छुट योजनाअन्तर्गत ग्राहकहरुले ग्लोबल आइएमई बैंकको भिजा डेबिट वा क्रेडिट कार्ड प्रयोग गरी दराजबाट अनलाइनमार्फत सामान खरिद गर्दा खरिद मुल्यको १५ प्रतिशतसम्म छुट पाउने जनाएको छ ।
छुट योजना अन्तर्गत बैंकको डेबिट कार्ड प्रयोगकर्ताहरुले १० प्रतिशत वा ५ सय रुपेयाँसम्म र क्रेडिट कार्ड प्रयोगकर्ताहरुले १५ प्रतिशत वा ७ सय ५० रुपैयाँसम्म छुट पाउने बताईएको छ । त्यसैगरी बैंकले दराज अनलाइन स्टोरसँग समन्वय गरी आफ्ना डेबिट र क्रेडिट कार्ड प्रयोगकर्ताहरुलाई विशेष छुटको व्यवस्था गर्दै आएको छ ।
बैंकले आफ्ना ग्राहकवर्गको सुविधालाई मध्यनजर गर्दै यस्ता किसिमका समयसान्दर्भिक योजना ल्याएर ग्राहकहरुलाई लावान्भित गर्दै आएको छ । ग्लोबल आइएमई बैंक ७७ वटै जिल्लामा शाखा सञ्जाल गर्ने निजी क्षेत्रको पहिलो वाणिज्य बैंक समेत हो ।
बैंकले ३५६ शाखा कार्यालय, ३७८ एटिएम, २७४ शाखा रहित बैंकिङ्ग सेवा, ६५ एक्सटेन्सन तथा राजश्व संकलन काउन्टर तथा ३ वटा बैदेशिक प्रतिनिधि कार्यालय समेत गरी १ हजार १ सय भन्दा बढि सेवा केन्द्रबाट ४५ लाख भन्दा बढि ग्राहकलाई सेवा दिंदै छ । साथै,बिदेशी मुलुकबाट रेमिटान्स भित्र्याउँदै देशको अर्थ व्यवस्थामा महत्वपूर्ण योगदान समेत दिएको छ ।