पश्चिमी वायुको प्रभावकाे कारण आज पँचवटा प्रदेशमा माैसम बदली हुने छ । पश्चिमी वायुको प्रभावकाे कारण सुदूरपश्चिम, कर्णाली, लुम्बिनी गण्डकी र वाग्मती प्रदेशकाे माैसम बदली हुने सम्भावना रहेकाे हाे ।
अहिले नेपालमा पश्चिमी वायुको प्रभाव रहेको र सुदूरपश्चिम, कर्णाली, लुम्बिनी र गण्डकी प्रदेशलगायत देशको पहाडी भू–भागमा आंशिक बदली तथा बाँकी भू–भागको मौसम मुख्यतया सफा रहेको जल तथा मौसम विज्ञान विभागले जनाएको छ । विभागका अनुसार आज दिउँसो देशभर साधारणतया माैसम बदली रहने बताइएकाे छ ।
विभागकाअनुसार कर्णाली र सुदूरपश्चिम प्रदेशका धेरै स्थानहरू, गण्डकी र लुम्बिनी प्रदेशका केही स्थानहरूमा हल्का वर्षाकाे सम्भावना रहेको छ । त्यसैगरी वाग्मती प्रदेशको थोरै स्थानहरू तथा बाँकी भू–भागको एक–दुई स्थानमा छिटपुटदेखि हल्का वर्षाको सम्भावना रहेको छ ।
त्यस्तै गण्डकी, कर्णाली र सुदूरपश्चिम प्रदेशकोलगायतका उच्च पहाडी तथा हिमाली भू–भागका धेरैजसाे स्थानहरूमा हल्कादेखि मध्यम हिमपातको सम्भावना रहेको पनि विभागले जानकारी दिएको छ ।