चिनियाँ कम्युनिष्ट पार्टी (सीपीसी) का अन्तर्राष्ट्रिय विभागका उपमन्त्री सुन हेयान नेतृत्वको प्रतिनिधि मण्डल नेपाल उच्चदेखि तल्ला तहसममका शासक, नेता, कार्यकर्तालाई समेत भेटेर नेपाल चीन सम्बन्धबिस्तार र बीआरआईको कार्यान्वयनका विषयमा गहन बिमर्श गरेका खबर छन् । चिनयाँ राजदूत र उपमन्त्रीको दौडधूप देख्दा लाग्छ, बीआरआई कार्यान्वयन संकटमा रहेको छ ।
उपमन्त्री हेयान नेतृत्वको चिनियाँ प्रतिनिधिमण्डल शुक्रबार काठमाडौं आइपुगेको हो । बंगलादेश हुँदै उक्त प्रतिनिधि मण्डल नेपाल आइपुग्दा नेपाली राजनीतिक र कूटनीतिक बृत्तमा ठूलै तरङ्ग आएको छ । यसमाथि चीनले दुई मुलुकको सम्बन्धलाई मजबुत पार्ने पुलका रुपमा बीआरआईलाई अगाडि सारेपछि त खासगरी भारो अमेरिकीधुरी चासोका साथ भ्रमणलाई विश्लेषण गरिरहेका छन् ।
माल्दिभ्सका राष्ट्रपति राष्ट्रपति मोहम्मद म्यैजु चीनतिर ढल्केको आरोप लगाउने भारतले नेपाललाई पनि चीनतिर लागेको आरोप नेपालका चुच्चेनक्सा भारतको नक्सामा हाल्दैदेखि लगाउँदै आएको छ । तथापि विदेशमन्त्री एस जयशंकर रिसाएपछि नेपालका शासनसत्तामा रहेकाले कुनै पनि सीमा र अन्य समस्या नउठाएर उठबस नै गरेको विश्लेषकहरुको विश्लेषण रहेको छ ।
चिनियाँ दूतावास निकट स्रोतका अनुसार नेपालमा उपमन्त्री हेयान राष्ट्रपति, प्रधानमन्त्रीदेखि विभिन्न दलका शीर्ष नेताहरूसँग भेटघाट गर्दा सकारात्मक धारणा पाएको बताए पनि प्रष्ट र सन्तुष्ट हुन नसकेको टिप्पणी गरेका छन् । स्रोत भन्छ– बीआरआई कार्यान्वयनका लागि केही तत्वले भाँजो हालेका छन् । किटान नगरे पनि चीनले भारो–अमेरिकी धुरीमाथि यो आरोप लगाएको हो भनेर बुझ्न सकिन्छ । एमसीसी पारित गर्दा मौन बसेको चीनले यतिबेला बीआरआईप्रतिको सत्ताधारी दलभित्रै रहेको नकारात्मक सोच र अस्पष्टताबारे चीन सचेत हुनुपर्ने निष्कर्षमा पुगेको देखिन्छ । एकप्रकारले यो अस्पष्टता र बिबाद, भाँजोले नेपालका लागि लाभदायक परिणाम पनि दिनसक्छ । भन्नेहरु भन्छन्– नेपालका लागि अनुदानको विकल्प छैन । बीआरआईका लागि तय गरिएका ठूला परियोजनामा चीनले अनुदान दिने निर्णय गर्नसक्छ । यसो भयो भने नेपाल र चीनवीचको मित्रता बढ्ने र नेपालको समृद्धिमा चीनको हातेमालो अविश्मरणीय हुनसक्छ ।