चीनका प्रधानमन्त्री चाउएनलाइ लाई १९६० अप्रेलमा स्वागत गर्न प्रधानमन्त्री बिपी कोईराला सँगै उभिएका सँसदमा प्रमुख प्रतिपक्षका नेता भरत सम्सेरले भन्नुभयो “सगरमाथाको देशमा महामहिमलाई स्वागत छ ।” सरकार र प्रतिपक्षको एउटै आवाज आउदा कस्तो परिणाम निस्किन्छ, ईतिहासमा लेखिएको छ ।
भारतका विदेश मन्त्री नेपाल आउँदा नेपालले चुच्चे नक्साको कुरा उठाउन सकेन, न त इपीजी रिपोर्टकै कुरा उठाउन सक्यो । उल्टै पूर्व प्रधानमन्त्रीहरू होट होटलमा गएर लाम लागेर विदेशमन्त्रीलाई भेटेर जदौ गर्नमा गौरव गरेको देखियो । नेपालको भौगोलिक अखण्डता खण्डित गर्ने बिबादमा भारतीय विदेशीमन्त्री एस जयशंकरमा भारतका प्रधानमंत्री कै पदचाप देखिदा पनि “कम्फरटेबल” सरकारको मौनता बुझिसाध्य भएन । कुनै नेताले भन्न सक्छन्– चुच्चेनक्साको बेहाल के भइरहेको छ ? चुच्चे नक्सामा भारतको शासन किन स्थापित भएको छ ?
ठूला दलका लम्पसारवादले नेपालको भूगोलको चिन्ता बढेको छ ।