पहिचानवादी नेता आन्जेस राईको रिहाइको माग राख्दै प्रदेश एक पुनः नामाङ्कन संयुक्त सङ्घर्ष समितिले गरेको बन्दका कारण मेची राजमार्गमा यातायात सेवा ठप्प हुँदा यात्रु समस्यामा परेका छन् । समितिले गरेको बन्दका कारण मेची राजमार्ग आवतजावत गर्ने यात्रु समस्यामा परेका हुन् ।
संयुक्त सङ्घर्ष समितिले बिहानै देखि मेची राजमार्गमा यातायात सेवा ठप्प परेका छन् । बन्दका कारण ताप्लेजुङसहित पाँचथर, इलाम र झापा जिल्लामा रहेको मेची राजमार्गमा आज बिहानैदेखि यातायातका साधन गुडेका छैनन् ।
पक्राउ परेका पहिचानवादी नेता राईको रिहाइको माग राख्दै समितिले मेची राजमार्गमा यातायात बन्द गरेको जनाएको छ । उक्त बन्दका कारण मेची राजमार्ग भएर पहाड जाने र तराई झर्ने यात्रु समस्यामा परेको बताईएको छ ।
प्रदेश एक पुनः नामाङ्कन संयुक्त सङ्घर्ष समितिले मेची राजमार्गमा यातायात बन्द गर्दा राजमार्ग हुँदै बाहिरिने र भित्रिने सवारी साधन ठप्प भएको छ भने यात्रु समस्यामा परेका छन् ।
