नेपालको दुई दिने औपचारिक भ्रमणमा हिजो मंसिर ७ गते काठमाडौँ आइपुगेका कतारका विदेश राज्यमन्त्रीले प्रधानमन्त्री पुष्पकमल दाहाल (प्रचण्ड)सँग भेटवार्ता गर्ने भएका छन् । हिजो अपरान्ह काठमाडौँ आईपुगेका विदेश राज्यमन्त्री सोल्तान बिन साद अल–मुरैखीले आज प्रधानमन्त्री प्रचण्डसँग भेटवार्ता गर्ने भएका हुन् ।
विदेश राज्यमन्त्री सोल्तान बिनलाई त्रिभुवन अन्तर्राष्ट्रिय विमानस्थलमा परराष्ट्र सचिव भरतराज पौड्याल तथा नेपालका लागि कतारका राजदूत मिसाल बिन मोहम्मद अलि अल अन्सारी र परराष्ट्र मन्त्रालयका उच्च अधिकारीले स्वागत गरेका थिए ।
विदेश राज्यमन्त्री सोल्तान बिनले आजै परराष्ट्रमन्त्री एन.पी. साउँदसँग पनि शिष्टाचार भेट गर्ने कार्यक्रम रहेको परराष्ट्र मन्त्रालयले जनाएको छ । त्यसैगरी विदेश राज्यमन्त्री सोल्तान बिन परराष्ट्र सचिव पौड्यालसँग द्विपक्षीय भेटवार्ता गरि आजै स्वदेश फर्किने तयारी रहेको बताईएको छ ।
