छिमेकी राष्ट्र चीनले तीर्थयात्रीलाई कैलाश मानसरोवर जानको लागि खुला गरेको छ । विश्वमहामारी कोरोना भाईरसका कारण लामो समयदेखि बन्द गरिएको कैलाश मानसरोवार खुला गरिएको हो ।
चीनले भारतीयबाहेकका तीर्थयात्री तथा पदयात्रीका लागि कैलाश मानसरोवर यात्रा खुला गरेको बताएको छ । कोरोनाका कारण चीनले विदेशीलाई तिब्बत प्रवेशमा लगाएको रोक यस वर्षबाट हटाएसँगै कैलाश यात्रा खुला गरेको हो ।
चीन सरकारले तिब्बतको राजधानी ल्हासा र नेपालको केरुङ नाकाबाट मात्रै कैलाश यात्रीलाई जाने अनुमति दिएको छ । उक्त नाका हुँदै भारतीय बाहेकका तीर्थयात्री तथा पदयात्रीको टोली आगामी साता कैलाश यात्रामा जाने तयारीमा छन् ।
