थाइल्यान्डका राजाले छोरीलाई दुई तारे जर्नेल बनाएका छन् ।
उनी पेरिसबाट अध्ययन गरेर फेसन डिजाइनर का रुपमा रहेकी छिन् । राजकुमारी श्रीवन्नाभारी नारीरत्न राजकन्या शाही थाइ सेनाको मेजर जनरल बनेकी छन् । राजा महा वजिरलंगकर्णले अप्रिल १ देखि लागू हुनेगरी ३६ वर्षीया छोरीलाई सेनामा नियुक्त गरेको राजपत्रबाट प्रमाणित गरिदिएका छन् ।
पटक पटक राजकुमारी सिरीले आफू दरवारभित्र बसिरहने युवती नभएको बताएकी थिइन् । त्यतिबेलै उनी कतै न कतै सक्रिय रहने अनुमान गरिएको थियो ।
सिरी राजकुमारी भएर पनि काम गर्नसक्ने प्रमाणित गराएर प्रेरणा बन्न चाहन्थिन् । अब उनले अर्को जिम्मेवारी पाएकी छिन् ।
