आफ्नो स्वाधीनताको हेतु किम इल सुङद्वारा फेब्रुअरी ८, १९४८ मा स्थापित कोरियाली जनसेनाको ७५औं स्थापना दिवस कोरियाली जनता लगायत विश्वका शान्तिप्रिय जनताले धुमधामले मनाइँदैछ ।
कोरियाली जनसेनाको स्थापनापछि अमेरिकाको १७७ वर्षको इतिहासमा हारको बाटो खोलिदिएको र कोरियाको समाजवादको रक्षा र निर्माणमा ऐतिहासिक सफलता हासिल गरेको छ ।
फलामे इच्छाशक्तिका दूरदर्शी सेनापति तथा युद्धकौशलका ज्ञाता महान नेता किम इल सुङले कोरियाली जनसेनालाई अजेय शक्तिका रुपमा विकास गरी कोरियाली प्रायद्वीपको शान्ति र कोरियाको स्वतन्त्रता, सार्वभौमिकता र एकता जोगाउनु भयो ।
त्यस्तै प्रिय नेता कमरेड किम जोङ इलले क्रान्तिकारी कोरियन जनसेनालाई जुछे सेनाशक्तिको रुपमा परिणत गरी कोरियाको प्रतिरक्षा प्रणालीमा अभिवृद्धि गर्दै विशाल सैनिक शक्तिमा परिणत गर्नुभयो ।
आज कोरियाका सर्वोच्च नेता महामहिम मार्शल किम जोङको सक्षम नेतृत्वमा कोरियन पिपुल्स आर्मीले क्रान्तिबाट प्राप्त गरेका उपलब्धिहरुलाई जोगाइराख्न र जनता आधारित राष्ट्र र आम जनतामा गोलवद्ध भएको प्यारो समाजवादको रक्षार्थ दृढ रहदै कोरियाली क्रान्तिको अन्तिम लक्ष्यसम्म पुग्ने बाटोमा कोरियाली जनसेना लम्किरहेको छ ।
पहिले कोरियाली जनसेना कमजोर छ भनी १९५० मा आक्रमण गरेको अमेरिकाले अब अर्को गल्ती गर्ने छैन किनभने कोरियाको सर्वोच्च जनसभाले सर्वसम्मतिले ८ सेप्टेम्बर २०२२ मा कोरियाले स्वीकार गरेको ‘आणिविक सम्पन्न राज्य’ र यसको प्रयोगलाई पूर्ण समर्थन गरेको छ ।
यस अवसरमा संगून समर्थक नेपाल संगठन गर्व गर्दै कोरियाली सशस्त्र सेनाका प्रधान सेनापति, राज्य सञ्चालन परिषदका राष्ट्रपति महामहिम मार्शल किम जोङ उन र सम्पूर्ण सशस्त्र जवानहरुलगायत सम्पूर्ण जनतामा हार्दिक बधाई ज्ञापन गर्दछ । साथै शान्ति स्थापनामा सशक्त भूमिका खेल्ने छ भन्ने दृढ विश्वास गर्दछ ।