नेपालका लागि विभिन्न चार वटा मुलुकका नवनियुक्त राजदूतहरुले राष्ट्रपति रामचन्द्र पौडेलसमक्ष ओहोदाको प्रमाणपत्र पेश गरेका छन् । राष्ट्रपति भवन शीतल निवासमा आयोजित विशेष समारोहमा एक आवासीय र तीन गैरआवासीय नेपाली राजदूतले ओहोदाको प्रमाणपत्र पेश गरेका हुन् ।
ओहोदाको प्रमाणपत्र पेश गर्नेहरूमा नेपालका लागि जापानका आवासीय राजदूत मेडा तोरु, गैरआवासीय राजदूत तुर्कसेनिस्तानका शालार गेल्डिनाजारोभ, लाओसका बाउन्मी भ्यान्मानी, इरानका डा.इराज इलाही लगायत रहेकाे राष्ट्रपति कार्यालयले जनाएको छ ।
राष्ट्रपति कार्यालयका अनुसार ओहोदाको प्रमाणपत्र पेश गर्नुपूर्व नवनियुक्त राजदूतहरुलाई होटल डुसिट प्रिन्सेसदेखि राष्ट्रपति भवनसम्म रिसललासहितको बग्गीमा सवार गराइएको जनाइएकाे छ ।
