नेपालका लागि इजरायली राजदूत क्जmगष्पि ब्चष्भ द्यबकक ले भनेका छन्, विपिन जोशी सकुसल छन्, छिटै फर्कन्छन् ।
प्यालेस्टाइनी विद्रोही हमासले ७ अक्टुबर सन २०२३ मा विपिन जोशीलाई इजरायलको अलमिम किवुजबाट बन्धक बनाएको १४ महिनापछि नेपाल आएका इजरायली राजदूतले विपिन जोशी सकुशल रहेको र छिटै घर फर्कने सूचना दिएका छन् । इजरायली राजदूत शमुलिक ए. वासले विपिन जोशी गाजा क्षेत्रमा जीवितै रहेको सूचना पाएको बताएपछि नेपालीले छिटै नेपाल फर्काइदिन अनुरोध गरेका छन् । राजदूतले पत्रकारसँगै भनेका छन्– ‘हाम्रा लागि विपिन निकै महत्त्वपूर्ण छन् । उनी छिट्टै काठमाडौं फर्किनेछन् । अरब स्रोतहरूले विपिन जोशी जीवित रहेको बताएका छन् । गाजा क्षेत्रमा बन्दक बनाइएका विपिन जोशी सकुशल रहेको सूचना हामीले पाएका छौ ।’
राजदूत बासले भने–  बिद्रोही हमासको कब्जामा अझै पनि सय भन्दा बढी छन् । हामीले बुझ्नुपर्छ, विपिनजस्ता अरू पनि धेरै बन्दक बनाइएकाछन् ।’ इजरायलले कूटनीतिक पहल गरेर धेरै बन्दकहरूलाई रिहा गराइदियो । तर इजरायलको प्राथमिकतामा विपिन जोशी परेका थिएनन् । यसबारे महामहिम राजदूत बोलेनन् । केही समयअघि गाजाको एक अस्पतालमा विपिन देखापरेको समाचार भाइरल बनेको थियो । तर यकिन हुनसकेको थिएन ।
एकाएक इजरायली राजदूतले विपिन ज्यूँदै र सकुसल रहेको सार्वजनिक गरेपछि नेपाली जनमानसमा उनी छिटै नेपाल फर्कनेछन् भन्ने विश्वास बढेको छ । नेपालले लामो समयदेखि विभिन्न कूटनीतिक प्रयास गरिरहे पनि सफल हुनसकेको थिएन । परराष्ट्रमन्त्री डा.आरजु राणाले पनि पदबहादी गर्दा नै विपिनको रिहायको प्रयास गर्ने भनेकी थिइन् । त्यसपछि उनी धेरै मुलुकहरूको भ्रमण गरिसकेकी छिन्, उनले विपिनबारे केही सूचना दिन सकेको अवस्था थिएन । एकाएक इजरायली राजदूतले उत्साहपूर्ण सूचना दिएका छन् । राजदूतको सुचना छिटो सत्य होस् ।
राजदूतको कथन सत्य सावित भयो भने उनी धन्यवादका पात्र बन्नेछन् ।