नेपाली सेनाका प्रधान सेनापति अशोकराज सिग्देल र नेपालका लागि चिनियाँ राजदूत चेन सोङबीच शिष्टाचार भेट भएको छ । प्रधान सेनापति सिग्देल र राजदूत सोङबीच आइतबार जनसम्पर्क तथा सूचना निर्देशनालय जङ्गी अड्डामा भेट भएको हो ।

उनीहरुबीच भएको भेटमा  दुई पक्षीय आपसी हित तथा पारस्परिक सम्बन्धका विषयमा छलफल भएको बताईएको छ । प्रधान सेनापति सिग्देलको कार्यकक्षमा भएको उक्त भेटमा दुई देश बिच रही आएको सम्बन्ध थप सुमधुर एवं प्रगाढ बनाउन मद्दत पुग्ने विश्वास लिएको नेपाली सेनाले जनाएको छ ।