banner
banner

जननी जन्मभूमिश्च स्वर्गादपि गरियसी

लीला दाहाल -
जननी जन्मभूमिश्च स्वर्गादपि गरीयसी  तर हाम्रो  वीर पुर्खाको रगत र पसिनाले  सिर्जित नेपाललाई भारतको बिस्तारवाद र चीनको मौनताले   खाँदै गर्दा हाम्रा नेताहरुको चुपचाप  बसाई नेपालीहरुलाई सहन नसक्ने बनाएको छ ।
भारतले एकतर्फीरूपमा नेपालको भूगोलमा रहेको लिम्पियाधुरा, लिपुलेक र कालापानीबाट चीनको स्वशासित क्षेत्र तिब्बतको मानसरोवर जोड्ने सडक ट्याकको उद्घाटन गरेको समाचारले दुई मित्रराष्ट्रबीच थाँती रहेको लिपुलेक कालापानी विवादलाई नयाँ चरणमा प्रवेश गराएको छ । सुदूर पश्चिमको पहाडी जिल्लामा पर्ने लिम्पियाधुरा, लिपुलेक, कालापानी समेत  नेपाल सिमाना भित्रका जमिन हुन्,  लिम्पियाधुरा नेपालको सिमान्त नदी  महाकालीको  उदगम स्थल हो । सन् १८१४–१५ को नेपाल–अङ्ग्रेज युद्धपछि सन् १८१६ मा भएको द्विपक्षीय सुगौलीको सन्धिमा नेपालका राजाले महाकालीदेखि पश्चिमको भूभागमा मात्र दाबी नगर्ने कुरा लेखिएको छ । अर्थात् महाकाली र त्यसभन्दा पूर्वका सबै क्षेत्र नेपाली इलाका हुन् । त्यसैले ती भेगमा नेपालीहरूको बस्ती हुनु सर्वथा स्वाभाविक हुन्छ । नेपालको २२ जिल्ला छोएको भारतले २०११ सालदेखि  नै नेपाल माथी गिद्दे नजर लगाएर  अतिक्रमण  गर्दै  लिम्पिया धुरा लिपुलेक कालापानीका ६० हर्जा देखि ७० हजार हेक्टर जमिन  हड्पी सकेको छ । दिनदिनै सिमानाका पिल्लर सारिएका छन् भने ३३२ सिमा पिल्लर गायब गरिएका  छन् ।
आज बेलुका  नेपालमा सुतेका  मानिस बिहान उठ्दा भारतीय  नागरिक बन्न बाध्य भएका छन् ।   सन् १९६२ मा भारत र चीन बीच युद्ध हुँदा कालापानी क्षेत्रमा भारतले अस्थायी रूपमा सैनिक शिविर राखेकोमा पछि द्वन्द्व सकिएपछि सो ठाउँ छोड्नु पर्नेमा नछोडेको स्थिति देखिएको छ । भारतको रवाफ दादागिरी र दबाबबाट नेपाली जनता आतंकित भएका छन् ।
वीरहरुले  रगत  पसिना आर्जित यो देश अहिले बाँदरको हातमा नरिबल  जस्तो  बनाएका छन् ।  अब ती पुर्खाहरुको रगतले जीवनको  मूल्य खोज्दै प्रश्न सोधे के जबाफ दिने  सोच्नु पर्ने बेला आएको छ सबैले । सबै  सिमाना विवादको दीर्घकालीन  समाधान गर्न कुटनैतिक तरिका ले समस्याको समाधान खोजिनुपर्छ । नत्र देशको सार्बभौमसत्ता माथि  हस्तक्षेप  हुनेछ । पछि  हाम्रा सन्तति ले एउटा  नेपाल  देश थियो रे  भन्दै पढ्ने छन् र हामीलाई धिक्कार्ने छन् । अहिले नचेते कहिले चेत्ने ?

प्रतिकृया दिनुहोस / Comments

Reality Nepal

E-Paper