banner
banner

हिन्दु, राजतन्त्र ल्याउने राप्रपाभित्रै महाभारत !

धर्मरत्न श्रेष्ठ - - 
राप्रपामा ३ अध्यक्ष छन्– कमल थापा, डा.प्रकाशचन्द्र लोहनी, पशुपतिशमशेर जबरा । यी तिनैजना सुपर अध्यक्ष बन्न चाहन्छन् । कमल थापाका अनुसार राप्रपाको आगामी कार्तिकमा हुने महाधिवेशन नेपालको राष्ट्रिय राजनीतिमा कोसेढुङ्गा हुनेछ । महाधिवेशन पछि सम्पूर्ण राष्ट्रवादी शक्तिलाई एकतावद्ध गरी हिन्दुराष्ट्र र राजसंस्था सहितको प्रजातन्त्र पुनःस्थापना तथा भ्रष्टाचार, धर्मपरिवर्तन र सर्वसत्तावाद विरुद्धमा सशक्त आन्दोलन गर्नेछौँ । कम्युनिष्ट र काँग्रेस भन्दा फरक पहिचान बनाउन लागि परेका छौँ । आगामी चुनावपछिको बैकल्पिक राजनीतिक शक्ति भनेकै राप्रपा हो ।
यता डा.लोहनी पार्टी चुनावमा दाल नगल्ने भएपछि सर्वसम्मत रुपमा नयाँ अध्यक्ष बनाउनु पर्ने भनेर आफ्नो गुटमा बहस गरिरहेका देखिन्छन् । पशुपति शमशेर जवरालाई पनि एकता महाधिवेशनमा अध्यक्ष हुने लोभ छ । तर कमल थापाका सामु कसैको पनि जोर नचल्ने देखिन्छ । यद्यपि कमल थापाको विरोध गर्नेहरु पार्टीमा प्रशस्तै छन् । यिनै विरोधीहरुले नेपालगञ्जका मेयर धवल शमशेर जबरालाई उचालिरहेका छन् । धवल शमशेरले सबैको शक्ति समेटेर कमल थापालाई धक्का दिने सोचेका छन् । कतै फरक पहिचान भन्दाभन्दै भएकै गुम्ने हो कि ?

प्रतिकृया दिनुहोस / Comments

Reality Nepal

E-Paper