banner
banner

हे नेपाली तिमी के पायौं ?

नेपाल आमालाई धुरु-धुरु रुवायौ !
लोकतन्त्रको नाममा लूटतन्त्र भित्रायौ !
गणतन्त्रको सपनामा GUNतन्त्र मै रमायौ !
हे नेपाली तिमी के नै पायौ ? -२
शान्तिको नाममा राजनीतिलाई नै अपराधीकरण गरायौ,
समानताका नाममा साम्प्रदायिकता अपनायौ,
संघीयताको नाममा भ्रष्ट विखण्डनवाद जन्मायौ,
स्व-शासन कै नाममा वाद-वादी र कु-शासन फस्टायौ,
हे नेपाली तिमी के नै पायौ ? -२
स्थायीत्वको नाममा २/३ जनमत दियौ,
त्यही २/३ जनमतले बितण्डा मच्चायो,
तथाकथित प्रतिपक्षी कमिसन मै रमायो,
असना-पसना, ऐल्चा-बेल्चा सबै उखान-टक्काले नै उडायो,
हे नेपाली तिमी के नै पायौ ? -२
स्वाधीनताको नाममा पराधीन बनायौ,
आत्मनिर्भरताको उल्टो विदेशी बाजारको लत लगायौ,
सार्वभौमसत्तालाई पद-पैसा-पहुँच सँग साट्यौ,
भोकभोकै जनता मारेर आफू पाँचतारे धाउने नेता जन्मायौ,
हे नेपाली तिमी के नै पायौ ?
चीनले अमेरिका धम्काउन कोरोना बनायो ?
त्यही कोरोनाले पूरा दुनियाँ हल्लायो,
मानव सभ्यतालाई नै खलबलायो,
दुनियाँलाई थुनी कोरना विश्व भ्रमणमा रमायो,
हे नेपाली तिमी के नै पायौ ? -२
भूमि बिनाको संविधान बनायौ,
न्वारान देखि आर्यघाटसम्मको यात्रा विवरण लेख्यौ,
जात्रै-जात्रा काण्डै काण्डको शासन ब्यवस्था बनायौ,
१० अर्व खर्चेर कोरोनाको औषधि हाँछ्यु-साँछ्युँ-तातो पानी-बेसार पत्ता लगायौ,
हे नेपाली तिमी के नै पायौ ? -२
वर्षै पिच्छे सहिदको सुची बढायौ,
जनता झुक्याई नाता-गोता मोटायौ,
एक राजा फालेर लाखौं राजा भित्रायौ,
जनताको शासनका नाममा विदेशीलाई सिंहासन दिलायौ,
हे नेपाली तिमी के नै पायौ ? -२
डा. मनोज मुक्ति "विवेक"
राष्ट्रिय संयोजक
राष्ट्रिय जनतान्त्रिक गठबन्धन
एवं
#राष्ट्रबचाउअभियान

प्रतिकृया दिनुहोस / Comments

Reality Nepal

E-Paper